درس سواقة

درس سواقة



في واحد راح يتعلم سواقة .. طلع أول درس مع المدرب

قال له المدرب: تحرك .. فتحرك بدون ما يعطي اشاره

قال له المدرب: ولك ياغبي بتعطي أشاره بعدين بتمشي .. انزعج الرجال وفكر كيف يحكي معو هيك..

المهم طنش ومشى وصار بدو يتجاوز عن شاحنة .. فتجاوز بدون ما يتطلع وراه

قال له المدرب: ولك يا غبي بتتطلع وراك قبل ما تتجاوز .. كمان انزعج الرجال وفكر

كيف يحكي معو هيك..

طنش ومشى وكان قدامه اشارة ضوئيةصفرا.. قام شد وقطعها .

قال له المدرب: ولك يا غبي الاشارة الصفرا يعني هدئ السرعة مش شد

الرجال فقعت معه وقال للمدرب: أنا الحق علي اني بتدرب مع هالأشكال ماعاد بدي

أتدرب سواقة رجعني محل ما أخذتني



المهم نزلوا وتبادلوا الأماكن, وشغل المدرب السيارة وتحرك بدون ما يعطي أشاره

شافه شرطي وخلاه يوقف.. أجا الشرطي لعند المدرب وقال له:

باين أنك عم تتدرب... بس الحق مو عليك .... الحق على الغبي اللي قاعد جنبك